Minsan, lilipas nalang yung mga birthday nila nang wala ang kanilang ama. Nakakalungkot isipin na sa murang edad ng bunso kong pinsan e mawawalay siya sa kanyang ama. Sabihin na nating bata pa siya, pero kilala na niya kung sino yung papa niya. Maybe for some, it's not a big deal yung ganitong mga sitwasyon, pero kung titignang mabuti, may masamang epekto yung pagkawalay ng ama sa kanyang lumalaki pa lamang na anak.
This may have a psychological impact to the child. I'm not in the proper position to say anything about good and bad in the child's soon-personality, but from what I can see to my oldest cousin, he longs for a fatherly love. From my point of view, I can say he's somewhat a rebel. I don't want my youngest cousin to be like him. Much that I would want their father not to leave, I can't do any a thing. Poverty is always the reason.
Kung mayaman lang ang Pilipinas, hindi sana mawawalay yung tito ko sa mga anak niya. Sana may amang laging nagmamatyag sa mga pinsan ko. Kahirapan ang ugat ng lahat. Kahirapan. Siguro kung mayaman ang Pilipinas, hindi na kakailanganin ng mga pilipinong lumikas at magtrabaho sa ibang bansa para punan nag mga nagmumurang sikmura; hindi na sana mangungulila ang mga babae sa tahanan; at hindi na sana mapapariwara ang ilang kabataan dahil sa kawalan ng patnubay ng isang ama o ina.
Nasuri niyo na ba ang lagay ng ating lipunan? Ang mayayaman, lalong yumayaman. Ang mga mahihirap, lalong naghihikahos at lumulugmok sa lupa. Nakikita niyo ba ang mga ito? o sadyang hindi niyo tinitignan dahil sa hindi naman kayo apektado ng kawalang hustisyang ito? Mapunta tayo sa gobyerno, bilang niyo ba ang mga pera winawaldas ng mga kurakot? Kilala niyo ba ang mga lintik na may kapangyarihan na sakim at nilamon na ng pagkagumon sa yaman? Ilang pilipino pa ang makikita natin sa daan na nanlilimos, putikan at walang ligo at kain? Ilang pamilya pa ang wawasakin ng kahirapan? Ilang siglo pa ang bibilangin ng mga pilipino para kumawala sa kadena ng kahirapan? Ilang henerasyon pa ng mga pilipino ang magdurusa sa kamay ng mga gahaman at kurakot sa gobyerno? Ramdam na nating lahat ito, hindi ito bago.
"Mahirap maging mahirap," yan yung sabi ng guro ko sa math dati. Hinding hindi ko yan kakalimutan. Marami nang sinira ang kahirapan, at hindi ako papayag na maging isa ako sa mga biktima. Ikaw? Papayag kabang matulad sa ilang nalulunod sa kumunoy ng kahirapan? Mag-aral ka ng mabuti. Sabay tayong kakawala sa lecheng kahirapan ito.
-Pablo Juan